Стала вядома, калі ў Беларусі пахаладае

• 24.04.2025, 11:25

Сіноптыкі абяцаюць мокры снег.

У пятніцу на поўдні краіны чакаюцца кароткачасовыя дажджы, месцамі - навальніцы. Уначы +3..+8°С, месцамі на поўдні Беларусі да +11°С, максімальная ўдзень складзе ад +10°С на паўночным захадзе да +24°С на паўднёвым усходзе краіны.

У суботу пахаладае. Уначы па Гомельскай вобласці, удзень месцамі па краіне кароткачасовыя ападкі (дождж, днём з мокрым снегам). Вецер паўночнай чвэрці парывісты, удзень у асобных раёнах моцны парывісты.

Уначы на большай частцы тэрыторыі краіны чакаюцца замаразкі 0..-4°С, месцамі мінімальная тэмпература паветра складзе +1..+6°С; максімальная тэмпература паветра днём +6..+13°С.

У нядзелю на большай частцы тэрыторыі чакаюцца замаразкі 0..-4°С, месцамі мінімальная тэмпература паветра будзе +1..+3°С; максімальная тэмпература паветра днём +7..+14°С.