СМІ: УСУ прарвалі абарону РФ і зайшлі ў Курскую вобласць

• 24.04.2025, 12:26

Завязаўся бой у Глушкаўскім раёне.

Байцы УСУ прарваліся праз мяжу ў Курскай вобласці і ўшчыльную наблізіліся да сяла Атрубы ў Глушкаўскім раёне. Далей завязаўся бой з расейскімі вайскоўцамі.

Пра гэта паведамляе расейскае медыя Mash.

"Тры роты УСУ паспрабавалі зайсці ў хутар Атрубы ў Глушкаўскім раёне Курскай вобласці", – гаворыцца ў паведамленні.

Адзначаецца, што падраздзяленні УСУ нібыта “засеклі” расейскія памежнікі, з-за чаго завязаўся бой.

У Генштабе УСУ пакуль што інфармацыю, распаўсюджаную ў расейскіх медыя аб баях каля Атруба, не каментавалі.