Нацыянальная каманда Беларусі ў футзале возьме ўдзел у чэмпіянаце Еўропы

• 24.04.2025, 16:44

Літва і Латвія былі супраць.

Нацыянальная каманда Беларусі ў футзале «прайшла кваліфікацыю і возьме ўдзел у фінальным турніры» чэмпіянату Еўропы, які павінен прайсці ў Латвіі і Літве з 20 студзеня да 7 лютага 2026 года.

Аб гэтым расейскаму інфармагенцтву ТАСС паведаміў Саюз еўрапейскіх футбольных асацыяцый (УЕФА).

Ва УЕФА адзначылі, што «знаходзяцца ў кантакце» з футбольнымі федэрацыямі Латвіі і Літвы «ў гэтым пытанні».

18 красавіка паведамлялася, што Літоўская і Латвійская федэрацыі футбола супольна з украінскімі калегамі «актыўна займаюцца сітуацыяй», звязанай з удзелам беларускіх спартоўцаў у чэмпіянаце Еўропы ў футзале (міні-футболе).