Самалёт з Уіткофам прызямліўся ў Маскве

• 25.04.2025, 12:57

Гэта чацвёрты візіт спецпасланніка Трампа ў РФ сёлета.

Самалёт, на борце якога, магчыма, знаходзіўся спецпрадстаўнік прэзідэнта ЗША Стыў Уіткаф, прызямліўся ў Маскве. Пра гэта паведаміла расейскае прапагандысцкае агенцтва "Інтэрфакс".

Суразмоўца агенцтва адзначыў, што самалёт прызямліўся ў аэрапорце Унукава.

Паводле звестак сэрвісу Flightradar24, бізнэс-джэт Bombardier Global 7500 выконваў прамы пералёт з аэрапорта Маямі.

Раней выданне Axios са спасылкай на крыніцы пісала, што Уіткаф 25 красавіка сустрэнецца з расейскім дыктатарам Уладзімірам Пуціным.