«Цунамі запушчанае»: РФ чакае магутны ўдар ужо праз два месяцы

• 26.04.2025, 16:30

Да канца лета мы ўбачым шмат чаго цікавага.

Палітычны і эканамічны эксперт Тарас Загародні адказаў на пытанне, калі Расея адчуе негатыўныя наступствы зніжэння коштаў нафты. Ён перакананы, што ўсё залежыць ад дынамікі - калі рэцэсія, якая пачалася ўжо, будзе развівацца хутчэй, то гэтыя працэсы стануць адчувальнымі для Расеі ўжо праз два месяцы.

«Калі рэцэсія будзе імклівай (напрыклад, падчас пандэміі кошты нафты падалі да нуля, а гэта магчыма, улічваючы тое, як ЗША б'юць па Кітаі), тады ў РФ усё будзе яшчэ хутчэй, мы здзівімся, як хутка ўсё будзе адбывацца. Цунамі запушчанае, і да канца лета мы ўбачым шмат чаго цікавага - усім будзе відавочна, што Расея руйнуецца. А яшчэ мы ўсё здзівімся таму, як амерыканцы кінуцца ратаваць Расею. Але яе выратаваць немагчыма - Кітай не дасць гэтага зрабіць». - кажа эксперт у інтэрв'ю «Главреду».

Як падкрэслівае Загародні, першай, самай галоўнай прыкметай таго, што ў Расеі стала ўсё вельмі сумна, будзе замарожванне ўкладаў расейцаў у банках. Больш за тое, развіццё такога сцэнару ў Расеі ўжо актыўна абмяркоўваецца.

«Гэта будзе ўжо нават не «званочак», а звон. Сочым за дынамікай коштаў нафты. Нафта па 40 даляраў за барэль - гэта ўжо клінічная смерць расейскай эканомікі. Але ж пры гэтым яшчэ будуць працягвацца нашы ўдары па тэрыторыі Расеі: па нафтасховішчах, газавых і нафтавых кампрэсарах. Усё ў комплексе спрацуе выдатна», - рэзюмуе Загародні.