McDonald's вяртаецца ў Расею?

• 26.04.2025, 18:12

Пададзена заяўка ў Распатэнт на рэгістрацыю таварнага знака.

Амерыканская карпарацыя McDonald's падала заяўку ў Распатэнт на рэгістрацыю свайго таварнага знака "Макдоналдс" у Расеі.

Пра гэта паведамляе "Медуза".

Як сцвярджае дзяржагенцтва са спасылкай на дакументы ведамства, заяўку адправілі яшчэ ў снежні 2024 года, але толькі зараз Распатэнт прыняў яе да разгляду.

Як вядома, пад таварным знакам "Макдоналдс" кампанія хоча вырабляць і прадаваць у Расеі напоі і ежу хуткага прыгатавання, прадастаўляць рэстаранныя паслугі і ажыццяўляць дастаўку ежы.