Ісландыя хоча ўступіць у ЕЗ праз дзеянні Трампа

• 27.04.2025, 18:59

Таксама Рэйк'явік будзе ўмацоўваць сваю абарону.

Ісландыя хоча ўмацаваць сваю абароназдольнасць і аднавіць перамовы пра ўступленне ў Еўразвяз праз дзеянні адміністрацыі ЗША Дональда Трампа. Пра гэта паведамляе The Wall Street Journal.

Удакладняецца, што будучы ўдзельніцай-заснавальніцай NATO, краіна да гэтага часу не мае сталага войска і не з'яўляецца часткай Еўрапейскага Звязу.

«Цягам дзесяцігоддзяў ісландцы жылі ў ціхай аддаленасці. Іх размяшчэнне ў ледзяных водах паміж Грэнландыяй і Нарвегіяй у часы халоднай вайны служыла для NATO базай, з якой можна было сачыць за савецкімі вайсковымі караблямі, але жыхары мала турбаваліся пра небяспеку, якая зыходзіць ад вайсковых караблёў», – адзначана ў выданні.

Удакладняецца, што на сёння Ісландыя сутыкаецца з ростам рызыкаў, звязаных з узмацненнем ваеннай актыўнасці Расеі і намерам прэзідэнта ЗША займець Грэнландыю.

«Калі ў 2014 годзе напружанасць у стасунках з Расеяй вырасла, амерыканскія чыноўнікі заявілі ісландскім калегам, што хочуць аднавіць аперацыі на авіябазе Кефлавік, якая прыйшла ў заняпад за межамі сталіцы, Рэйк'явіка. Ісландыя хутка пагадзілася і пачала інвеставаць у вайсковую інфраструктуру вакол вострава», – сказана ў матэрыяле,

Адзначана, што ЗША ўважаюць Ісландыю і Грэнландыю за крытычна важныя краіны для ўнутранай бяспекі. Грэнландыя важная для выяўлення расейскіх ракетаў і абароны Штатаў. Удакладняецца таксама, што расейскія падводныя лодкі павінны прайсці строй каля Ісландыі, які NATO называе Грэнландска-Ісландска-Вялікабрытанскім рубяжом, перш чым атакаваць Амерыку.