Украінскі спецназ ліквідаваў групу расейскіх вайскоўцаў і ўзялі палонных

• 27.04.2025, 19:18

Паспяховая аперацыя ў Курскай вобласці.

Сілы спецыяльных аперацый УСУ паведамілі пра паспяховае выкананне задачаў у Курскай вобласці РФ. Сярод іншага ў суботу, 26 красавіка, група 73-га цэнтра ССА ў Курскай вобласці знішчыла групу расейскіх вайскоўцаў 810-й брыгады марской пяхоты.

Пра гэта паведамляе прэс-служба ССА ў нядзелю, 27 красавіка.

«Выйшлі з Курскай вобласці? Не чулі. Пакуль кіраўнік Генштаба УС РФ Герасімаў дае справаздачу пра "вызваленне" Курскай вобласці ад Сілаў бяспекі і абароны Украіны, аператары 73-га цэнтра Сілаў спецыяльных аперацый УСУ прадаўжаюць паспяхова выконваць задачы ў гэтай вобласці», – гаворыцца ў паведамленні.

Там таксама адзначаецца, што аператары ССА ўзялі ў палон двух акупантаў 810-й брыгады.