У Польшчы адрэагавалі на вайсковыя «вучэнні» РФ і Беларусі

• 28.04.2025, 15:50

«Вучэнні» запланаваныя на верасень.

Намеснік міністра абароны Польшчы Цэзарый Томчык заявіў у каментары RMF24, што ягоная краіна адрэагуе на расейска-беларускія вучэнні «Захад», якія запланаваныя на верасень.

Паводле ягоных слоў, у Польшчы адбудуцца «маштабныя манеўры», як польскія, так і NАТО.

- Польшча адрэагуе на вучэнні «Захад», якія адбудуцца ў Беларусі, адэкватным чынам з польскага боку. У Польшчы пройдуць буйныя вучэнні Польшчы і NАТО, буйныя манеўры.

Адзначым, што РФ і Беларусь у верасні 2025 года плануюць правесці маштабныя супольныя вайсковыя вучэнні «Захад».