З'явіўся спіс грамадзян Беларусі, якія ваююць у складзе УС РФ супраць Украіны

• 28.04.2025, 18:31

На пачатак 2025 года ў шэрагах войска РФ знаходзілася не менш як 742 найміты з беларускімі пашпартамі.

На пачатак 2025 года ў шэрагах акупацыйнага расейскага войска знаходзілася не менш як 742 найміты з пашпартамі Рэспублікі Беларусь.

Пра гэта паведамляе ўкраінскі праект «Хачу жыць».

Паведамляецца, што гэты спіс можа быць не поўным, бо некаторыя грамадзяне Беларусі таксама маюць расейскі пашпарт і не ўлічваюцца як «легіянеры».

«Рэальная колькасць беларусаў, якія ваююць супраць Украіны, цалкам можа быць рэкорднай», - заяўляюць у «Хачу жыць».

У «Хачу жыць» адзначылі, што відавочны і той факт, што ўдзел грамадзян Беларусі ў вайне супраць Украіны на баку РФ адбываецца з маўклівай згоды дыктатара Аляксандра Лукашэнкі.