Тайсан Ф'юры намякнуў на сваё вяртанне ў бокс

• 28.04.2025, 20:13

Відэа.

Былы чэмпіён свету ў суперцяжкай вазе Тайсан Ф'юры апублікаваў загадкавае відэа, з дапамогай якога, магчыма, даў зразумець, што збіраецца вярнуцца ў прафесійны бокс.

36-гадовы брытанец выклаў кароткі пост у Instagram з залы разам са сваім трэнерам Шугарам-Хілам Сцюардам.

«Проста цяпер я ў зале. Выпадкова натрапіў на кагосьці, каго вы можаце ведаць. Вы ведаеце, што будзе далей», – сказаў Ф'юры.

Нагадаем, што Тайсан абвясціў пра заканчэнне кар'еры ў студзені гэтага года пасля дзвюх паразаў ад украінца Аляксандра Вусіка.

Ф'юры неаднаразова заканчваў кар'еру і раней, аднак кожны раз вяртаўся на рынг.

Пра жаданне правесці паядынак з Цыганскім каралём заяўляў былы чэмпіён свету Энтані Джошуа.