Расейскі акупант здаўся ў палон украінскаму дрону

• 29.04.2025, 12:42

Пілоты УСУ скарэктавалі ягоны маршрут і вывелі на свае пазіцыі.

Акупант падняў рукі ўверх і здаўся ў палон украінскаму дрону, паведамляе Цензор.НЕТ. На запісе відаць, што аператар дрона вёў расейца да ўкраінскіх пазіцый і перадаў пяхотнікам.

«Расейскі жаўнер прыняў адную з найлепшых пастаноў у сваім жыцці. Убачыўшы ўкраінскі беспілотнік, ён склаў зброю і падняў рукі ўверх, выказваючы жаданне здацца. Пілоты скарэктавалі ягоны маршрут і вывелі на ўкраінскія пазіцыі», - гаворыцца ў каментары да відэа.