Трамп: Аперацыя скончаная

• 3.04.2025, 16:46

Кіраўнік Белага дома параўнаў ЗША з пацыентам, які выздараўлівае.

Прэзідэнт ЗША Дональд Трамп падзяліўся сваімі першымі за дзень выказваннямі. У сацсетках ён параўнаў ЗША з «пацыентам, які выздараўлівае», і запэўніў, што яго краіна стане яшчэ мацнейшай.

«Аперацыя скончаная! Пацыент жывы і выздараўлівае. Прагноз палягае ў тым, што пацыент будзе нашмат мацнейшым, большым, лепшым і ўстойлівым, чым калі-небудзь раней», - напісаў Трамп.

Таксама амерыканскі лідар у чарговы раз заклікаў «Вярнуць Амерыцы былую веліч».

Адзначаецца, што каментары Трамп маглі тычыцца ўзаемных тарыфаў ЗША з іншымі краінамі, аб якіх ён абвясціў учора, 2 красавіка.