«Гэта быў жах, падлеткі па галовах ішлі»

• 30.04.2025, 10:22

У Магілёве стаяла вялізная чарга.

У выходныя ля кінатэатра Starlight у Магілёве сабраўся вялікі натоўп - мясцовыя жыхары прыйшлі на акцыю з удзелам блогераў і бясплатнай шаўрмой. Планавалася раздаць 100 порцый, але ахвочых было значна больш. Жыхарка горада паказала відэа з месца падзей, піша «Зеркало».

Аўтарка відэа расказала, што сітуацыя ля кінатэатра Starlight у Магілёве ледзь не выйшла з-пад кантролю з-за вялізнага натоўпу: «Гэта проста быў жах, арганізацыі ніякай, ледзь не затапталі адзін аднаго!»- паскардзілася яна.

Паводле ейных слоў, цісканіна пачалася пасля абвяшчэння пра бясплатную раздачу 100 порцый шаўрмы: «Гэта быў жах, падлеткі па галовах ішлі, каб атрымаць шаўрму».

Жанчына адзначыла, што далёка не ўсе прыйшлі дзеля ежы: «Там больш не галодныя былі, а падлеткі хацелі сустрэчы і фота з блогерамі. Усё было б нармальна, калі б усё гэта пісьменна арганізавалі».

У каментарах многія раскрытыкавалі акцыю і яе ўдзельнікаў, аднак былі і тыя, хто шкадаваў, што «прапусціў такое»:

«Якім трэба быць галодным, каб пайсці на такое дзеля нейкага лаваша. Жах. Гэта масавы збор нават небяспечны для жыцця»

«Тыповая сітуацыя, калі людзі гатовыя душыцца і марнаваць тры гадзіны, каб зэканоміць 5 рублёў. Ужо бачылі такое з марозівам, піцай і г.д.».

«Было 100 штук бясплатна, а прыперлася 1000»

«Гэта што, столькі галодных? Мне сорамна за Магілёў»

«Значыць, трэба пакараць тых, хто так пажартаваў з дзяцей».

«На дурніцу і воцат салодкі»