Новае МЗС Нямеччыны будзе руйнаваць планы Крамля

• 30.04.2025, 12:09

Мэрц абяцае безумоўную падтрымку Украіне.

Будучы канцлер Нямеччыны Фрыдрых Мэрц паабяцаў, што падтрымка Украіны стане цэнтральным элементам замежнай палітыкі яго будучага ўрада. Пра гэта паведамляе выданне The Guardian (пераклад - сайт Charter97.org).

Мэрц абвясціў, што новым міністрам замежных спраў Нямеччыны стане Ёган Вадэфуль - дэпутат Бундэстага ад ХДС, былы вайсковец і даўні дарадца Мэрца ў пытаннях замежнай палітыкі. Ён вядомы сваёй паслядоўнай падтрымкай вайсковай дапамогі Украіне.

У нядаўнім інтэрв'ю газеце Frankfurter Allgemeine Zeitung Вадэфуль заявіў: «Гаворка ідзе не пра некалькі квадратных кіламетраў украінскай тэрыторыі, а пра прынцыповае пытанне - ці дазволім мы класічную заваёўную вайну ў Еўропе».

Сам Мэрц таксама падкрэсліў сур'ёзнасць расейскай агрэсіі, адзначыўшы: «Уварванне Уладзіміра Пуціна - гэта не што іншае, як бітва супраць усяго палітычнага парадку еўрапейскага кантынента».

Чакаецца, што Борыс Пісторыус, прадстаўнік Сацыял-дэмакратычнай партыі і дзейны міністр абароны, захавае сваю пасаду ў новым урадзе. Ён раней рэзка раскрытыкаваў так званыя «мірныя прапановы» Дональда Трампа па ўрэгуляванні канфлікту ва Украіне, назваўшы іх «практычна капітуляцыяй».