Расейскія вайскоўцы паплаціліся за марадзёрства ва ўкраінскім сяле

• 6.04.2025, 19:08

Акупантаў напаткала карма.

Аператары БПЛА з падраздзялення «Гострі Картузи» правучылі расейскіх захопнікаў, якія займаліся марадзёрствам у адным з разбураных імі ж украінскіх сёлаў.

Відэа з адплатай яны апублікавалі ў нядзелю, 6 красавіка, на сваім Telegram-канале.

«Марадзёрскія войскі акупантаў працуюць не пакладаючы рук і не мыючы ног. Гэтым разам двое „вызваліцеляў“ хадзілі па разбураных дамах з невялікім вазком і збіралі каштоўныя рэчы ўкраінцаў, якія калісьці будавалі гэтыя дамы», — гаворыцца ў каментары да апублікаваных кадраў.

Са слоў украінскіх байцоў, расейцы знаходзіліся за 10 кіламетраў ад лініі баявога сутыкнення, таму былі ўпэўненыя, што знаходзяцца ў бяспецы і могуць спакойна рабаваць чужыя дамы.

«Але карма ў выглядзе нашага дрона не прымусіла сябе доўга чакаць», - адзначаюць ўкраінскія аператары дронаў.