Ілья Шкурын аформіў пераможны асіст у чэмпіянаце Польшчы

• 6.04.2025, 18:45

Галявы пас беларуса дапамог «Легіі» здабыць перамогу.

6 красавіка Ілля Шкурын выйшаў у стартавым складзе «Легіі» ўпершыню за тры матчы і вызначыўся вельмі важным галявым пасам.

Яго каманда саступіла «Гурніку» 0:1 пасля першага тайма, аднак у другім здзейсніла камбэк і атрымала перамогу, паведамляе «Еўрарадыё».

Беларус Ілля Шкурын зрабіў галявую перадачу на Лукінаса, які паставіў пераможную кропку ў гульні — 2:1 на карысць «Легіі» ў матчы 27-га тура Экстракласа.

Цікава, што пасля ўдару Ілля чакаў, што ён стане аўтарам гола, бо мяч каціўся ў сетку, але аднаклубнік надумаў для вернасці падставіць нагу і загнаў мяч у браму.

Нагадаем, што раней Шкурын забіў першы гол за «Легію», гэта здарылася ў паўфінале Кубка Польшчы ў матчы супраць «Руху».