У метро Менска спынілася ўся «сіняя» лінія

• 7.04.2025, 9:32

Што здарылася.

У метро Менска давялося спыніць састаў цягніка, праз што перастала працаваць уся «сіняя» лінія. Падрабязнасці паведамілі ў прэс-службе метрапалітэна беларускай сталіцы.

Інцыдэнт адбыўся на станцыі метро «Маскоўская» 7 красавіка. Як растлумачылі ў прэс-службе менскага метрапалітэна, прычынай спынення складу сталі тэхнічныя абставіны.

- Быў часова спынены рух цягнікоў па Маскоўскай лініі, - растлумачылі ў метрапалітэне.

На 09.00 гадзін рух цягнікоў у менскай падземцы аднавілі, пасля чаго праводзілася дыспетчарскае рэгуляванне руху.