У Брагіне міліцыянты застрэлілі ліса

• 7.04.2025, 11:39

Дзікая жывёліна знаходзілася каля шматкватэрнага жылога дома.

У Брагіне на Гомельшчыне міліцыянеры застрэлілі ліса. Дзікая жывёліна знаходзілася каля шматкватэрнага жылога дома. Мяркуецца, што ён быў шалёны, паведамляе "Еўрарадыё".

Мясцовыя жыхары выклікалі міліцыю. Участковы-міліцыянер знайшоў ліса пад балконам першага паверха. У яго былі відавочныя прыкметы шаленства.

Адзначаецца, што людзі не пацярпелі.