Беларус Ліцвіновіч перамог на этапе Кубка свету ў скачках на батуце

• 7.04.2025, 12:09

Двухразовы алімпійскі чэмпіён пацвердзіў клас у італьянскім Рычане.

Двухразовы алімпійскі чэмпіён пацвердзіў клас у італьянскім Рычане, а вось сярэбранай медалістцы Гульняў зрабіць гэтага не ўдалося, піша smartpress.by.

Першы ў сезоне этап Кубка свету прайшоў яшчэ ў лютым у Баку, а другога давялося чакаць больш за месяц. Беларусы з Апенін вярнуліся з адным прызавым месцам.

Іван Ліцвіновіч пераканаўча давёў, хто з'яўляецца лідарам у мужчынскіх адзіночных батутных скачках. Ён з першай сумай балаў прабіўся ў фінал і заслужыў ад суддзяў найлепшыя адзнакі ў высначальным выступе. Ян Лангю з Кітая саступіў Ліцвіновічу больш за адзін бал.

А вось Віялета Бардзілоўская няўдала выканала самую адказную камбінацыю. У лік фіналістак яна ўвайшла без цяжкасцей, а вось затым дапусціла памылкі, праз якія у выніковым пратаколе апынулася толькі на 7-й пазіцыі.