Будынак вакзала загарэўся на чыгуначнай станцыі ў Валожынскім раёне

• 8.04.2025, 9:14

Праца станцыі прыпыненая.

Раніцай 8 красавіка ў паддашкавым памяшканні чыгуначнай станцыі Багданаў (Валожынскі раён) адбыўся пажар. Пра гэта паведамілі ў прэс-службе МНС.

Працаўнікі МНС ліквідавалі ўзгаранне. Цяпер ратавальнікі праводзяць праліўку і разборку канструкцый. На месцы працуюць 8 аўтацыстэрнаў і 2 аўталесвіцы.

У выніку пажару агнём пашкоджаны дах на ўсёй плошчы. Ніхто не пацярпеў.

Праца чыгуначнай станцыі прыпыненая.