У Паўднёвай Карэі абвясцілі дату выбараў прэзідэнта

• 8.04.2025, 12:17

Вядома, хто будзе ўдзельнічаць у прэзідэнцкай гонцы.

Паўднёвая Карэя вызначылася з датай выбараў прэзідэнта. Афіцыйна галасаванне прызначылі на 3 чэрвеня.

Пра гэта паведамляе Reuters.

«Урад мае намер прызначыць 3 чэрвеня днём 21-х прэзідэнцкіх выбараў», - заявіў падчас пасяджэння ўрада выканаўца абавязкаў прэзідэнта Хан Дак Су.

Як распавядае Reuters, пакуль вядома, што змагацца за пасаду прэзідэнта будуць:

міністр працы Кім Мун Су, які падаў у адстаўку і ўжо афіцыйна абвясціў аб намеры балатавацца;

дэпутат Ан Чхоль Су, які першым падтрымаў імпічмент прэзідэнта Юн Сок Ёля. Ён паабяцаў забяспечыць краіне эканамічны рост, а таксама новыя рухавікі ў пытанні штучнага інтэлекту, каб супрацьстаяць гандлёвай палітыцы ЗША;

Таксама сярод кандыдатаў можа быць лідар ліберальнай Дэмакратычнай партыі Лі Чжэ Мэн, які ў 2022-м саступіў Юну з мінімальным адрывам.

Сёння ён сутыкаецца з уласнымі юрыдычнымі праблемамі, але чакаецца, што ён сыдзе ў адстаўку з пасады лідара партыі і абвясціў аб сваёй кандыдатуры ўжо на гэтым тыдні.