Крэмль закранула заява Зяленскага аб прысутнасці УСУ ў Белгародскай вобласці

• 8.04.2025, 15:17

Пяскоў не знайшоў, што адказаць.

Прадстаўнік Крамля Дзмітрый Пяскоў не захацеў каментаваць словы прэзідэнта Украіны Уладзіміра Зяленскага аб прысутнасці УСУ ў Белгародскай вобласці.

Пра гэта паведамляе РБК-Украіна са спасылкай на расейскія Telegram-каналы.

Журналісты спыталі ў Пяскова, ці можа Крэмль неяк пракаментаваць заяву Зяленскага аб тым, што УСУ зайшлі на тэрыторыю Белгародскай вобласці.

"Ну, гэта тычыцца непасрэдна ўжо дэталяў вайсковай аперацыі, і таму такія пытанні павінны быць адрасаваны нашаму Міністэрству абароны", - адказаў спікер Пуціна.