Залужны можа стаць на чале еўрапейскіх узброеных сіл

• Андрэй Саннікаў
• 8.04.2025, 17:58

Патрэбныя нестандартныя развязанні ў сферы бяспекі.

Беларускі палітык, лідар грамадзянскай кампаніі «Еўрапейская Беларусь» Андрэй Саннікаў заявіў, што генерал Валерый Залужны можа дапамагчы ў стварэнні баяздольных еўрапейскіх узброеных сіл.

«Курс новай адміністрацыі ЗША на згортванне сваёй падтрымкі незалежнасці і тэрытарыяльнай цэласнасці Украіны стварае для Еўропы новыя сур'ёзныя выклікі, якія патрабуюць тэрміновых і сістэмных адказаў.

Сёння патрэбныя новыя ідэі і нестандартныя развязанні. Напрыклад, Еўразвяз мог бы папрасіць кіраўніцтва Украіны адкамандзіраваць генерала, гетмана ўзброеных сіл Украіны да лютага 2024 года Валерыя Залужнага для дапамогі ў стварэнні баяздольных еўрапейскіх узброеных сіл. Наўрад ці ў свеце сёння ёсць больш дасведчаны военачальнік з велізарным баявым досведам. У гэтых узброеных сілах Еўропы магло б з'явіцца беларускае воінскае падраздзяленне, якое складаецца з беларусаў, што сталі грамадзянамі еўрапейскіх краін.

Для Еўропы, еўрапейскай бяспекі, для Украіны свабодная Беларусь з'яўляецца ключавым геапалітычным фактарам», - напісаў Андрэй Саннікаў у Facebook.