Трамп патроіў мыты на танныя тавары з Кітая

• 9.04.2025, 9:57

Пад ударам апынуліся Temu і AliExpress.

ЗША патроілі мыты супраць Кітая. Яны тычацца недарагога сегмента тавараў.

Пра гэта паведамляе CNN.

Так, разам з павышэннем агульнай стаўкі мыт для Кітая, прэзідэнт ЗША Дональд Трамп падпісаў указ, які патроіў мыты на тавары коштам менш за 800 даляраў з гэтай краіны.

«Першапачаткова гэтыя тавары павінны былі абкладацца мытамі сумай 30% з 2 траўня. Аднак апошні ўказ Трампа павысіў стаўкі да 90%», - піша выданне.

Журналісты CNN не выключаюць, што гэта паўплывае на амерыканцаў, якія замаўляюць на такіх сайтах, як Shein, Temu і AliExpress, што, магчыма, прывядзе да падвышэння коштаў на тавары.

На гэты момант пасылкі коштам менш за 800 даляраў ЗША вызваленыя ад мыт.