Reuters: Трамп абрынуў кошт нафты да мінімуму з лютага 2021 года

• 9.04.2025, 14:57

Гэтаму спрыяла і пастанова OPEC+.

Кошт нафты ў сераду, 9 красавіка, упаў да мінімуму з лютага 2021 года. Гэта адбылося на фоне асцярог з нагоды попыту, выкліканага эскалацыяй гандлёвай вайны паміж ЗША і Кітаем і прагнозаў аб росце прапановы.

Выданне Reuters піша, што ф'ючарсы на нафту маркі Brent упалі на 1,39 даляра, ці 2,21%, да 61,43 даляра за барэль, а на амерыканскую нафту West Texas Intermediate ўпалі на 1,50 даляра, ці на 2,52%, да 58,08 даляра. Абодва кантракты страцілі да 4%, але затым скарацілі страты. Інвестары ўсё больш асцерагаюцца падзеннем попыту на сырую нафту і патэнцыйным лішкам прапановы.

«Агрэсіўныя меры ў адказ Кітая змяншаюць шанцы на хуткае ўкладанне ўгоды паміж двума найбуйнейшымі эканомікамі свету, выклікаючы рост асцярогі эканамічнага спаду ва ўсім свеце. Рост попыту на нафту ў Кітаі на 50-100 тысяч барэляў за дзень знаходзіцца пад пагрозай, калі гандлёвая вайна працягнецца даўжэй, аднак узмацненне стымулаў для павелічэння ўнутранага спажывання можа змякчыць страты», - распавяла Е Лін, віцэ-прэзідэнт у рынках нафтавых тавараў Rystad Energy.

Падзенне нафты пагоршыла прынятая на мінулым тыдні пастанову OPEC+ павялічыць здабычу ў траўні на 411 000 барэляў на дзень, што, на думку аналітыкаў, можа прывесці да прафіцыту на рынку.