СБУ дапытала палонных кітайцаў

• 9.04.2025, 19:24

Што атрымалася даведацца.

Украінскія вайскоўцы ўпершыню захапілі ў палон грамадзянаў Кітая, якія ваявалі на баку РФ на фронце. Іх допыт праводзіла Служба бяспекі Украіны.

Напярэдадні стала вядома, што ўкраінскія вайскоўцы нядаўна ўступілі ў бой у Данецкай вобласці. Як высветлілася, іх спаборнікамі былі шэсць кітайскіх вайскоўцаў.

Двух з іх УСУ захапілі ў палон.

Сёння стала вядома, што СБУ ўжо правяла першы допыт палонных і даведалася іх імёны:

грамадзянін Кітайскай Народнай Рэспублікі Ванг Гуанцзюн (Wang Guangjun, прозвішча, імя на кітайскай: 王广军), 1991 года нараджэння;

грамадзянін Кітайскай Народнай Рэспублікі Чанг Рэнбо (Zhang Renbo, прозвішча, імя на кітайскай: 张仁波), 1998 года нараджэння.

Учора прэзідэнт Украіны Уладзімір Зяленскі паказаў відэа з палоннымі кітайцамі, якія былі захопленыя на адным з кірункаў фронту. Паводле ягоных словаў, яны былі захопленыя каля населеных пунктаў Тарасаўка і Белагораўка. Аперацыю захопу грамадзянаў Кітая правялі воіны 81-й асобнай аэрамабільнай Слабажанскай брыгады ДШВ.

«Ёсць дакументы, ёсць іхнія пашпарты, ёсць нават крэдытныя карты. Гэта грамадзяне Кітая. Я думаю, што гэта вельмі важны элемент. Я думаю, што ЗША трэба больш аддаць увагі таму, што адбываецца сёння», – расказаў прэзідэнт.