Трамп абвясціў пра павышэнне мытаў для Кітая да 125%

• 9.04.2025, 20:32

Яны пачынаюць дзеянне «неадкладна».

ЗША паднімаюць мыты для Кітая да 125%, абвясціў амерыканскі прэзідэнт Дональд Трамп у сацсетцы TruthSocial.

«Зыходзячы з адсутнасці павагі, якую Кітай праявіў да сусветных рынкаў, я павышаю тарыф, што спаганяецца з Кітая Злучанымі Штатамі Амерыкі, да 125%, якія пачынаюць дзеянне неадкладна», – напісаў ён.

Прэзідэнт дадаў, што Кітай, верагодна, хутка зразумее, што сітуацыя, «калі ён абкрадваў ЗША і іншыя краіны», больш непрымальная.

На дзень раней, 8 красавіка, Трамп падняў мыты для Пекіна сумарна да 104%. КНР адказаў павышэннем тарыфаў на амерыканскія тавары памерам да 84%.