Трамп прыпыніў увядзенне мытаў у дачыненні да больш як 75 краінаў

• 9.04.2025, 21:11

На 90 дзён.

ЗША на 90 дзён узялі паўзу на ўвядзенне маштабных мытаў супраць гандлёвых партнёраў. На гэты тэрмін будзе дзейнічаць мыта 10%, абвясціў прэзідэнт Дональд Трамп у Truth Social.

«Я санкцыянаваў 90-дзённую Паўзу і істотна зніжаную на гэты перыяд узаемную мыту памерам 10%, якая таксама пачынае дзеянне неадкладна», – напісаў палітык.

Гэта звязана з тым, што больш за 75 краінаў звярнуліся да ЗША з просьбай абмеркаваць пастанову пра гандлёвыя бар'еры і мыты, яны «не прынялі ніякіх захадаў у адказ», растлумачыў Трамп.

Ён падкрэсліў, што Пекін зрабіў інакш і ўвёў мыты ў адказ, а таму для Кітая мыта павышаецца да 125 адсоткаў.