Фондавы рынак ЗША ўзляцеў

• 9.04.2025, 21:34

Біржавыя індэксы растуць больш як на 5 адсоткаў.

На рынку акцый ЗША пачалося ралі пасля таго, як прэзідэнт ЗША Дональд Трамп абвясціў паўзу на 90 дзён у дзеянні маштабных гандлёвых мытаў для краінаў, якія не ўжылі захадаў у адказ супраць Злучаных Штатаў. На гэты перыяд для такіх краінаў будуць дзейнічаць базавыя тарыфы 10 адсоткаў. Для Кітая, наадварот, мыты вырастуць да 125%.

Дынаміка асноўных біржавых індэксаў ЗША паводле звестак на 20:41 паводле Менска:

індэкс шырокага рынку S&P 500 узляцеў на 6,34%, да 5298,81 пункта;

прамысловы Dow Jones Industrial Average падскочыў на 5,51%, да 39719,46 пункта;

тэхналагічны NASDAQ Composite дадаў 8,1%, да 16 504,14 пункта.

«Я санкцыянаваў 90-дзённую Паўзу і істотна зніжаную на гэты перыяд узаемную мыту памерам 10%, якая таксама пачне дзеянне неадкладна», – напісаў Трамп у Truth Social. Кіраўнік Белага дому растлумачыў, што да ЗША з просьбай абмеркаваць пастанова пра гандлёвыя бар'еры і мыты звярнуліся больш за 75 краінаў і яны «не ўжылі ніякіх захадаў у адказ».