У Эстоніі з'явіліся ўласныя ракетныя комплексы HIMARS

• 1.05.2025, 16:30

Гэтая зброя эфектыўна паказала сябе ў вайне супраць РФ.

У Эстоніі з'явіліся ўласныя ракетныя комплексы HIMARS. Шэсць сістэм кампаніі Lockheed Martin былі перададзеныя Узброеным сілам краіны.

У каментары гэтай падзеі камандзір дывізіі Сіл абароны Эстоніі, генерал-маёр Індрэк Сірэль заявіў, што цяпер эстонскія вайскоўцы могуць знішчыць цэль, якая раней была на недасяжнай дыстанцыі.

«Гэта значыць, для дывізіі як галоўнага тактычнага падраздзялення эстонскага войска, мы можам выконваць свой план, улічваючы тое, што мы можам уплываць на цэлі больш далёкія, чым дагэтуль, знаходзячыся ў той жа час па-за зонай паразы супраціўніка», – перадае ERR яго словы.

На цырымоніі перадачы РСЗА выступіў кіраўнік падраздзялення ракет і агнявога кантролю Lockheed Martin Цім Кэхіл. Ён паведаміў, што амерыканская кампанія падвоіла аб'ёмы вытворчасці HIMARS. Штогод зараз выпускаецца 96 адзінак гэтых комплексаў.