Нязломная сцяна: Пакістан пачаў ваенную аперацыю супраць Індыі

• 10.05.2025, 8:28

Першыя ўдары прыпалі па крытычных аб'ектах.

Пакістан пачаў ваенную аперацыю супраць Індыі «Непарушная сцяна».

Першыя ўдары прыпалі па крытычных аб'ектах: аэрапорты, базы, ракетнае сховішча. Сітуацыя абвастраецца.

Пра гэта паведамляе ўрад Пакістана ў сацсетцы Х, тэлеканал Geo TV і Clash Report.

Урад Пакістана паведаміў аб пачатку аперацыі «Буньян уль Марсус». Назва аперацыі паходзіць ад верша з Карана пад назвай «Непарушная сцяна».

У індыйскіх гарадах Амрытсары і Джаму прагрымелі шматлікія выбухі.

Войска Пакістана паведаміла аб знішчэнні індыйскага сховішча крылатых ракет BrahMos у Беасе, удары па аэрапорце Патанкоце, а таксама авіябазе Удхампур у Індыі.

Зрэшты, пасля гучнага выбуху на авіябазу Удхампур паднімаецца слуп дыму.

Таксама паведамляецца аб узброеных сутыкненнях у прыгранічных раёнах Кашміра.

Узброеная экскалацыя паміж Індыяй і Пакістанам

Пачаткам ваеннага абвастрэння паміж краінамі можна ўважаць канец красавіка, калі ў індыйскай правінцыі Кашмір былі забітыя больш за 20 турыстаў.

Пасля таго ўрады краін пачалі абменьвацца абвінавачваннямі і пагрозамі вайны, палітычная напружанасць істотна ўзрасла.

У ноч на 7 траўня Індыя пачала аперацыю «Сіндур», у рамках якой нанесла ўдары па аб'ектах тэрарыстаў у Пакістане і падкантрольных гэтай краіне раёнах Кашміра. Войска Пакістана падняла авіяцыю і пачала наносіць зваротныя ўдары.