Трамп прапанаваў знізіць мыты для Кітая да 80%

• 10.05.2025, 13:46

Прэзідэнт ЗША зрабіў заяву перад перамовамі з Пекінам.

Прэзідэнт ЗША Дональд Трамп прапанаваў знізіць мыты для Кітая да 80% перад гандлёвымі перамовамі ў Швэйцарыі, якія запланаваныя на 11 траўня. Аб гэтым паведамляе Axios.

«80%-я мыта на Кітай здаецца правільнай! Да Скота Б.», - адзначыў Трамп у сацыяльнай сетцы Truth Social, маючы на ўвазе міністра фінансаў Скота Бэсэнта, які ўзначальвае перамовы з Кітаем.

У той жа час у міністэрстве гандлю краіны апублікавалі заяву, у якой асудзілі «злоўжыванні» ЗША ў дачыненні да тарыфаў.

Паводле інфармацыі Associated Press, кітайскі экспарт у ЗША абрынуўся на 21% у красавіку, аднак агульны аб'ём экспарту вырас, бо краіна знайшла іншых пакупнікоў для сваіх тавараў.

У сваю чаргу кітайскія старонцы ў сацсетках, якія цесна звязаныя з дзяржаўнымі СМІ, выказалі меркаванне, што Кітай гатовы да перамоў, аднак яны не абавязкова будуць азначаць уступкі.