УСУ знішчылі бронегрупу расейцаў на Пакроўскім кірунку

• 10.05.2025, 19:43

Акупанты спрабавалі захапіць пазіцыі ўкраінскіх абаронцаў.

Сёння на Пакроўскім кірунку (Данецкая вобласць) украінскія абаронцы знішчылі штурмавую браніраваную групу з дэсантам расейскіх акупантаў, не дапусціўшы страты пазіцый.

Пра гэта ў сваім Telegram-канале "Бахмуцкі Балу" са спасылкай на баявых пабрацімаў ​​паведаміў блогер і баец 210-га асобнага спецыяльнага батальёна "Берлінга" Узброеных сіл Украіны з пазыўным Балу:

"Пакроўскі кірунак. З самай раніцы оркі спрабавалі заехаць на брані з пяхотай. Тэхніка знішчаная. Пяхота забітая. Пазіцыі застаюцца пад кантролем".

"Бахмуцкі балу" апублікаваў адпаведныя фатаграфіі, зробленыя беспілотным лятальным апаратам, на якіх захаваная падпаленая баявая браняваная машына захопнікаў.