Акупанты наважылі нырнуць да ўкраінскіх пазіцый, але нешта пайшло не так

• 10.05.2025, 21:03

Заплыў стаў апошнім.

На Пакроўскім кірунку расейскія акупанты, якія нясуць вялізныя страты, паспрабавалі змяніць тактыку і наблізіцца да ўкраінскіх пазіцый, выкарыстоўваючы вадаём, гаворыцца ў паведамленні ч 3017 Нацыянальнай гвардыі Украіны ў Facebook.

Гэта быў даволі нестандартны ход, бо пасля шматлікіх нападаў пяхоты, бранятэхнікі і матацыклаў вораг наважыў звярнуцца да «плывучага наступу».

Але нават тут расейцы не змаглі дасягнуць жаданага выніку. Вадалазаў, якія спрабавалі наблізіцца да пазіцый Узброеных сіл Украіны, «суправаджалі» дроны УСУ, якія кантралявалі сітуацыю. Сумеснымі намаганнямі вораг панёс новыя страты.