Макрон адрэагаваў на прапанову Пуціна пра Стамбул

• 11.05.2025, 10:55

Крэмль ліхаманкава шукае выйсце.

Прэзідэнт Францыі Эмануэль Макрон адказаў кіраўніку Крамля Уладзіміру Пуціну на ягоную ініцыятыву пра аднаўленне перамоваў у Стамбуле. Ён назваў такі крок «недастатковым».

Пра гэта паведамляе France 24.

Паводле ягоных словаў, прапанова Пуціна – гэта «першы крок, але недастатковы».

«Безумоўнаму спыненню агню не папярэднічаюць перамовы», – заявіў Макрон журналістам, сыходзячы з цягніка ў польскім горадзе Пярэмышлі пры вяртанні з паездкі ва Украіну.

Ён дадаў, што Пуцін «шукае выйсце, але ён усё яшчэ хоча атрымаць выгоду ў часе».

У ноч на 11 траўня кіраўнік Крамля правёў начную прэс-канферэнцыю. У ходзе яе Пуцін прапанаваў правесці прамыя перамовы з Украінай у Стамбуле.