Трамп адрэагаваў на прапанову аб перамовах Украіны і РФ

• 11.05.2025, 20:03

Прэзідэнт ЗША мяркуе, што Кіеву варта прыняць прапанову Пуціна аб правядзенні прамых перамоў у Стамбуле.

Украіна павінна зараз жа пагадзіцца на прапанаванае прэзідэнтам Расеі Уладзімірам Пуціным аднаўленне прамых перамоў, заявіў амерыканскі прэзідэнт Дональд Трамп.

Паводле ягоных слоў, на сустрэчы ў Стамбуле Масква і Кіеў змогуць вызначыць, ці магчыма ўкласці пагадненне аб мірным урэгуляванні канфлікту. У адваротным выпадку Еўропа і ЗША будуць ведаць, "на чым усё трымаецца, і змогуць дзейнічаць адпаведна".

"Прэзідэнт Расеі Пуцін не хоча ўкладаць пагадненне аб спыненні агню з Украінай, а хоча сустрэцца ў Турцыі, каб дамовіцца аб магчымым спыненні крывавай бойні. Украіна павінна пагадзіцца на гэта, неадкладна", - напісаў Трамп у сваёй сацсетцы Truth Social.