Якім будзе надвор'е ў Беларусі ў панядзелак

• 11.05.2025, 22:08

Чакаюцца начныя замаразкі.

У Беларусі на 12 траўня абвешчанае штармавое папярэджанне аб небяспечнай гідраметэаралагічнай з'яве — уночы на большай частцы тэрыторыі чакаюцца замаразкі ад 0 да мінус 4 градусаў. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Сіноптыкі прагназуюць у панядзелак, 12 траўня, пераменную воблачнасць. Уначы пераважна па паўночным усходзе, удзень на большай частцы тэрыторыі краіны чакаюцца кароткачасовыя ападкі, у асноўным дождж. Уначы і раніцай у асобных раёнах краіны апусціцца слабы туман. Вецер будзе паўночна-заходнім, паўночным ад слабага да сярэдняга, удзень месцамі парывісты.

Уначы большую частку тэрыторыі Беларусі закрануць замаразкі ад 0 да 4 градусаў, месцамі мінімальная тэмпература паветра будзе вагацца ад 1 да 5 градусаў цяпла. Удзень слупок тэрмометра будзе вагацца ад 9 да 15 градусаў са знакам плюс.