Польшча закрые расейскае консульства ў Кракаве

• 12.05.2025, 10:46

Варшава адказвае на расейскую дыверсію.

Польшча адклікае згоду на працу консульства Расеі ў Кракаве. Пра гэта заявіў міністр замежных спраў Польшчы Радаслаў Сікорскі. Ён абгрунтаваў пастанову наяўнасцю довадаў, што расейскія спецслужбы арганізавалі летась дыверсію ў гандлёвым цэнтры ў Варшаве.

Калі менавіта спыніцца праца консульства, пакуль не паведамляецца.

11 траўня ўлады Польшчы афіцыйна абвінавацілі расейскія спецслужбы ў падпале гандлёвага цэнтра Marywilska 44 у Варшаве ў траўні 2024 года.