Bloomberg: У Еўропе прывязалі новыя санкцыі супраць РФ да выніку сустрэчы ў Стамбуле
- 13.05.2025, 9:13
Адміністрацыя Трампа ўжо падрыхтавала варыянты ўзмацнення эканамічнага ціску на Крэмль.
Еўрапейскія лідары збіраюцца дачакацца імавернай сустрэчы паміж прэзідэнтам Украіны Уладзімірам Зяленскім і расейскім дыктатарам Уладзімірам Пуціным у Турцыі, перш чым падштурхнуць Вашынгтон да ўзмацнення жорсткасці санкцый супраць РФ.
Пра гэта паведамляе Bloomberg.
Пра такую "прывязку “новых санкцыйных абмежаванняў у дачыненні да краіны-агрэсаркі заходняму выданню расказалі “знаёмыя з гэтым пытаннем" крыніцы.
Суразмоўцы Bloomberg на ўмовах ананімнасці адзначылі, што пасля размоў паміж афіцыйнымі асобамі ЗША і Еўропы 12 траўня стала зразумела, што Вашынгтон хоча даць магчымасць для перамоў паміж РФ і Украінай, якія прыблізна адбудуцца 15 траўня, перш чым узмацніць ціск на Пуціна.
Калі расейскі дыктатар адмовіцца ад сустрэчы з Зяленскім, або Крэмль не пагодзіцца на неадкладнае і безумоўнае спыненне агню падчас перамоў у Стамбуле - еўрапейскія лідары будуць заклікаць амерыканскага прэзідэнта Дональда Трампа выканаць сваю пагрозу ўвесці санкцыі супраць Расеі.
У Дзяржаўным дэпартаменце ЗША не пракаментавалі заходнім СМІ такую інфармацыю.
Санкцыі ЗША - чакаюць
Паводле звестак Bloomberg, адміністрацыя Трампа ўжо падрыхтавала для яго варыянты ўзмацнення эканамічнага ціску на Расею, і чакае “зялёнае святло” ад прэзідэнта.
На мінулым тыдні ў сваёй нататцы ў сацсетцы Трамп заявіў, што “ЗША і іх партнёры ўвядуць дадатковыя санкцыі" ў выпадку, калі магчымае замірэнне паміж Украінай і Расеяй не будзе выконвацца.
Між тым, піша Bloomberg, на працягу апошніх 48 гадзін “заставаліся незразумелымі наступныя крокі адміністрацыі Трампа ў яе падыходзе да Расеі”.
Манеўры Трампа ў пытанні санкцый
У мінулую суботу лідары Вялікабрытаніі, Францыі і Нямеччыны меркавалі, што яны атрымалі згоду ад Трампа аб санкцыйным ціску на Маскву, згодна з яго заявамі аб такіх абмежаваннях і падтрымкай плана аб 30-дзённым рэжыме спынення агню, пачынаючы з 12 траўня. Гаворка ідзе пра скаардынаваныя санкцыі ЗША і Еўропы супраць Расеі, калі Масква прадоўжыць наносіць удары па Украіне.
Пры гэтым, пасля фактычнай адмовы Пуціна ад 30-дзённага замірэння з Украінай, Трамп не стаў абвяшчаць аб такім санкцыйным кроку. Замест гэтага амерыканскі лідар заклікаў Зяленскага сустрэцца з кіраўніком Крамля ў Турцыі на гэтым тыдні. Украінскі прэзідэнт на гэта пагадзіўся.
Паводле інфармацыі Bloomberg, еўрапейскія лідары не чакалі такой пазіцыі з боку кіраўніка Белага дома, якую прэзідэнт Украіны, тым не менш, прыняў.
Еўрапейскія чыноўнікі расказалі заходнім журналістам, што падчас размоў паміж афіцыйнымі асобамі ЗША і Еўропы 12 траўня амерыканская старана “не зразумела, ці гатовая яна ўсё яшчэ накласці санкцыі на Расею, калі напады працягнуцца на гэтым тыдні, або што ён будзе рабіць, калі Пуцін адмовіцца сустрэцца з Зяленскім і прадоўжыць нападаць на Украіну”.