Мянчанка ўпершыню стала мамай у 54 гады

• 13.05.2025, 20:13

Гэта рэкорд для Беларусі.

Самая старэйшая беларуска, якая ўпершыню стала мамай, - мянчанка Таццяна Кароткая: яна нарадзіла дваіх сыноў у РНПЦ “Маці і дзіця” ў 54 гады, і гэты рэкорд дагэтуль не пабіты, расказалі на СТВ.

У 2013 годзе 54-гадовая мянчанка Таццяна Кароткая стала мамай двух хлопчыкаў — дзеці нарадзіліся ў РНПЦ «Маці і дзіця» дзякуючы працэдуры ЭКА. Пакуль яна лічыцца самай узроставай першароднай беларускай.

Са слоў Таццяны, яе натхніла гісторыя 66-гадовай жыхаркі Украіны, якая наважылася на мацярынства ў сталым узросце. Беларуска прайшла працэдуру экстракарпаральнага апладнення за мяжой, заплаціўшы за яе больш за 8 тысяч даляраў, а сама цяжарнасць і роды праходзілі ўжо пад наглядам беларускіх спецыялістаў.