Ласяня выйшла па дапамогу да людзей у Барысаўскім раёне

• 13.05.2025, 19:23

Фотафакт.

У вёсцы Высокі Бераг Менскай вобласці адбылася рэдкая сітуацыя: з лесу да людзей выйшла самотнае ласяня. Паводле словаў відавочцаў, жывёла паводзіла сябе спакойна і відавочна мела патрэбу ў дапамозе.

На гарачую лінію звярнулася мясцовая жыхарка. Пасля сігналу на месца выехалі спецыялісты. Як высветлілася падчас агляду, ласяня было здаровае, але праз узрост і адсутнасць маці ў яго не было шанцаў выжыць у лесе.

Камісія прыняла пастанову часова перадаць жывёліну на ператрымку ў Барысаўскі доследны лясгас. Там пра яго будуць клапаціцца егеры і ветэрынары.

Пасля таго як адужэе, ласяня вернецца ў дзікую прыроду, дзе сустрэнецца з мамай. Пра гэта паведамілі ў лясгасе.

У Беларусі выпадкі дапамогі дзікай жывёле фіксуюцца рэгулярна. 10 траўня знясіленае ласяня выратавалі ў Гарадоцкім раёне ў вёсцы Смалоўка. Паколькі маляня мела патрэбу ў доглядзе, яго перадалі ў Віцебскі заалагічны парк.

Спецыялісты нагадваюць: пры сустрэчы з дзікай жывёлай важна не спрабаваць яе прыручыць або карміць, а неадкладна звярнуцца ў экалагічныя службы.