Беларуска заплаціла варажбітцы 700 рублёў за вяртанне мужа ў сям'ю

• 13.05.2025, 21:31

Што было далей.

55-гадовая жыхарка Гародні знайшла ў TikTok варажбітку, якая паабяцала дапамагчы наладзіць асабістае жыццё. Чаму ёй у выніку давялося звяртацца ў міліцыю, расказалі ў Следчым камітэце.

Паведамляецца, што варажбітка спачатку прапанавала жанчыне правесці дыягностыку кармы. За 30 рублёў тая пачула вердыкт: асабістае жыццё перашкаджае наладзіць псута. Усё выправіць і вярнуць былога мужа ў сям'ю варажбітка паабяцала за 700 рублёў.

Адзначаецца, што жыхарка Гародні перавяла на рахунак варажбіткі спачатку 400, а потым 295 рублёў і стала чакаць.

Эзатэрычка абяцала, што за 12 дзён мужчына вернецца ў сям'ю, але праз гэты час сама перастала выходзіць на сувязь. Тады жанчына пайшла ў міліцыю – следчыя пачалі крымінальную справу аб махлярстве.