Робат-дроід з «Зорных войнаў» стаў рэальнасцю

• 14.05.2025, 14:50

Яго кошт - $2875.

Кампанія Piaggio Fast Forward (PFF), якая ўваходзіць у склад Італьянскага канцэрна Piaggio Group, прэзентавала лімітаваную версію свайго робата-памочніка gitamini — G1T4-M1N1, натхнёнага сусветам «Зорных войнаў». Прэзентацыя прайшла 4 траўня - у знакавы для фанатаў франшызы дзень «Хай будзе з табой Сіла» («May The Fourth be with you»), піша he he Robot Report T (пераклад — сайт Charter97.org).

Новая мадэль - вынік супрацоўніцтва PFF з The Walt Disney Company і Lucasfilm. Са слоў генеральнага дырэктара PFF Грэга Ліна, перамовы з Disney прайшлі «на здзіўленне лёгка», а супольная праца доўжылася блізу года.

G1T4-M1N1 аформлены ў духу класічных дроідаў сусвету-R2-D2 і BB-8. Распрацоўшчыкі адаптавалі вонкавы выгляд, інтэрфейс і нават гукавую бібліятэку — робат прайграе 22 арыгінальныя гукавыя сігналы, якія паказваюць яго дзеянні: ад падключэння Bluetooth да пачатку руху і прыпынку.

У адрозненне ад карпаратыўнай лінейкі прадуктаў PFF, G1T4-M1N1 накіраваны на спажывецкі рынак. Дрон здольны перавозіць да 9 кг грузу і ісці за ўладальнікам па ходніках або ў памяшканнях. Кошт прылады складае $2,875.

«Фанаты сусвету адкрытыя да ўзаемадзеяння з тэхналогіямі, і гэтая мадэль забяспечвае менавіта такі тып узаемадзеяння», — адзначыў Лін.

Першыя водгукі спажыўцоў былі выключна станоўчымі, а паспяховы запуск натхніў PFF на далейшае развіццё лінейкі дроідаў. Хоць у гэтай версіі няма мікрафона або галасавога кіравання, кампанія не выключае будучых абнаўленняў і пашырэння функцыянальнасці.