Мэрц дапусціў канфіскацыю расейскіх актываў «на законнай аснове»

• 15.05.2025, 19:30

Еўропа таксама абмяркоўвае ўвядзенне дадатковых санкцый супраць Расеі.

Берлін і яго супольнікі прыкладуць намаганні для канфіскацыі замарожаных актываў Расеі, калі гэта будзе магчыма з юрыдычнага пункту гледжання, заявіў канцлер Нямеччыны Фрыдрых Мэрц у інтэрв'ю газеце Zeit.

«Калі ёсць спосаб мабілізаваць грошы на надзейнай законнай аснове, мы гэта зробім», – сказаў ён (цытата па Reuters), дадаўшы, што магчымасць канфіскацыі расейскіх актываў «цяпер удакладняецца».

Мэрц дадаў, што Еўропа таксама абмяркоўвае ўвядзенне дадатковых санкцый супраць Расеі, якія закрануць энэргетычны і банкаўскі сектары, а таксама шэраг фізічных асоб.