Рубіё заявіў аб адсутнасці вялікіх чаканняў ад перамоў Масквы і Кіева

• 15.05.2025, 20:23

На ягоную думку, адзіная магчымасць урэгуляваць сітуацыю - асабістая сустрэча Пуціна і Трампа.

ЗША не ўскладаюць вялікіх надзей на перамовы Расеі і Украіны ў Стамбуле, заявіў дзяржсакратар Марка Рубіё, паведамляе Reuters.

На ягоную думку, адзіная магчымасць урэгуляваць сітуацыю - асабістая сустрэча Пуціна і Трампа.

"Я не думаю, што ў нас будзе прарыў у гэтым пытанні, пакуль прэзідэнт [ЗША Дональд Трамп] і прэзідэнт Пуцін наўпрост не абмяркуюць гэту тэму", - сказаў дзяржсакратар.

Рубіл мае намер 16 траўня сустрэцца ў Стамбуле з украінскай дэлегацыяй і турэцкім міністрам замежных спраў Хаканам Фіданам.