Амбасада Беларусі ў Маскве патрапіла ў скандальную гісторыю

• 16.05.2025, 18:40

Унікальны выпадак увайшоў у гісторыю беларускай дыпламатыі.

У непрыемную са скандальным адценнем гісторыю патрапіла пасольства Беларусі ў Маскве. Забылася, калі не заплаціла аднаму з мясцовых контрагентаў, што ёсць дыпламатычная недатыкальнасць, але няма недатыкальнасці судовай. Падманутаму пастаўшчыку нічога не заставалася рабіць, як звярнуцца ў суд. А суду - прыняць пазоў. Папярэдняе судовае пасяджэнне было прызначанае на дваццатыя даты траўня. На гэтым тыдні, як даведаўся Plan B , аднак, пазоўнік адклікаў хадайніцтва.

Што здарылася

Мабыць, унікальны выпадак увайшоў у гісторыю беларускай дыпламатыі ўсяго праз 397,2 тысячы расейскіх рублёў (блізу 5 тысяч даляраў). Гэтая сума фігуруе ў судовай справе ў якасці шкоды, нанесенай пасольствам Беларусі расейскаму рэзідэнту, смаленскай кампаніі "Смалрэсурс". Пазоў аб кампенсацыі гэтай сумы быў пададзены ёю ў Арбітражны суд Масквы ў пачатку красавіка гэтага года.

"Смалрэсурс" – адзін з удзельнікаў самага магутнага на сённяшні момант на рынках Расеі, Беларусі і Казахстана бізнэсу ў абслугоўванні ўласных паліўных карт E1 Card. Відавочна, з імі запраўляліся беларускія дыпламатычныя аўтамабілі.