«Даўно такога не было»: Крым масавана атакуюць ударныя БПЛА

• 2.05.2025, 8:18

Атака ідзе адначасова з паветра і мора.

Уночы 2 траўня ў акупаваным Крыме прагрымела серыя выбухаў: яны былі чутныя ў раёне аэрапорта ў Сімферопалі, у Севастопалі, у Гвардзейскім і Еўпаторыі. Расейцы пішуць пра «масаваную камбінаваную атаку» на рэгіён і пра тое, што «такога даўно не было». Вайсковыя аб'екты і аэрадромы паўвыспы апынуліся пад масаванай атакай ударных дронаў, а з мора ідзе атака марскіх БпЛА

«Фокус» сабраў інфармацыю аб начной атацы па акупаваным Крыме.

А 00:40 гадзін у Севастопалі абвясцілі паветраную трывогу праз пагрозу ўдарных БПЛА. Праз некалькі хвілін у акупаваным горадзе прагрымелі выбухі і працавала супрацьпаветраная абарона.

А 01:00 гадзін мясцовыя паблікі паведамілі аб «масаванай камбінаванай атацы» па Крыме. Паводле звестак расейцаў, у небе над Севастопалем было збіта не менш за 5 ударных БпЛА.

Таксама а 01:10 гадзін паветраная трывога была абвешчаная ў Сімферопалі. Там прагрымеў гучны выбух у раёне мясцовага аэрапорта, паведамілі крымскія суполкі.

Серыя выбухаў таксама прагрымела ў Гвардзейскім. Паводле звестак крымскіх маніторынгаў, пад ударам тут, папярэдне, апынуліся воінская часць і мясцовы аэрадром. Таксама паведамляюць пра выбухі ў раёне складоў боепрыпасаў.

А 01:40 таксама было шумна ў Сакскім раёне. Там прагучала серыя выбухаў, была чутная праца супрацьпаветранай абароны. Мясцовая суполка «Крымскі вецер» інфармавала, што выбухі былі чутныя ў раёне аэрадрома «Сакі», а падпісчыкі канала паведамілі пра імаверны «прылёт» па аэрадроме.

Таксама выбухі былі чутныя ў Еўпаторыі.

Афіцыйнай інфармацыі аб начной атацы 2 траўня па Крыме пакуль няма.

Паветраная трывога і атака дронаў па акупаваным Крыме трываюць.