Кіраўнік МЗС Вялікай Брытаніі: Свет страчвае цярпенне праз дзеянні Пуціна

• 2.05.2025, 21:38

Дэвід Лэмі правёў размову з віцэ-прэзідэнтам ЗША Джэй Ды Вэнсам.

Міністр замежных справаў Вялікай Брытаніі Дэвід Лэмі правёў размову з віцэ-прэзідэнтам ЗША Джэй Ды Вэнсам пра спыненне вайны РФ супраць Украіны.

Пра гэта ён напісаў у сацсетцы Х.

«У размове з Джэй Ды Вэнсам сёння мы пацвердзілі наша агульнае жаданне пакласці канец варварскаму ўварванню Расеі ва Украіну, а таксама нашу прыхільнасць да доўгага міру», – падкрэсліў Лэмі.

Кіраўнік брытанскага МЗС адзначыў, што крамлёўскі дыктатар Уладзімір Пуцін «даволі доўга тармазіў і перашкаджаў перамовам» пра спыненне вайны ва Украіне.

«Свет страчвае цярпенне», – дадаў Лэмі.