Перакулены пры спуску 5000-тонны эсмінец КНДР паказалі са спадарожніка

• 22.05.2025, 16:37

Кім Чэн Ын назіраў за ўсім працэсам аварыі.

Open Source Centre апублікаваў здымак 5000-тоннага эсмінца Паўночнай Карэі, які ўчора падчас спуску на ваду заваліўся на бок.

Фота з'явілася на старонцы OSC у X. Нагадаем, цырымонія спуску праходзіла на верфі Чханджын. Праз тое, што не быў забяспечаны паралельны рух калясак, кармавая частка эсмінца заўчасна сышла з калясак і села на мелізну. Пры гэтым насавая частка карабля ўвогуле не сышла са стапеля.

Лідар Паўночнай Карэі Кім Чэн Ын асабіста назіраў за інцыдэнтам і даў яму строгую ацэнку. Ён заявіў, што гэта сур'ёзная і цяжкая аварыя, якую нельга было дапусціць праз чыстую халатнасць і безадказнасць. Такім чынам, гаворка ідзе пра «злачынную дзею».

Кім Чэн Ын дадаў, што тэрміновае аднаўленне эсмінца з'яўляецца практычнай і палітычнай справай, бо ўплывае на імідж КНДР у свеце.